Tuesday, February 24, 2009

Chocolate

Valentine's day... araw ng mga puso, araw ng mga magkasintahan... at syempre, hindi araw ng mga single ngayon. Ako na ata ang presidente ng "No boyfriends since birth" club at "samahan ng mga malalamig ang Pasko at Valentine's day" dahil sa labingwalong taong inilagi ko dito sa mundo, bukod sa pamilya ko, wala akong ibang nakakadate sa Valentine's day.

Pero sa totoo lang, may gusto akong makadate. Hindi lang makadate. Gusto ko siya. Period. No Erase. Siya si Nathan. Actually, since nung grade one pa lang kami, I heart him na... pero dahil ako ang babae, dapat ako ang magantay ng first move niya. Pero college na kami, wala pa ring first move. Ni hindi ko nga alam kung alam niya na nag-eexist ako dito sa mundong ibabaw...

Ever since mga bata kami, maraming mga babaeng nagkakacrush kay Nathan. Di na siguro mabilang. Ang dami kong karibal sa kanya, kaya wala akong lakas ng loob sabihin kay Nathan na may gusto ako sa kanya. Pero ang nakapagtataka sa lahat, wala pa akong naririnig na chismis na nagkagirlffriend na siya... hmmm... woopeee!!! May pag-asa pa ako, pero paano ko sasabihin sa kanya?

Minsan, nanood ako ng cartoons. "Super Boink" ang title niya. Yung episode na pinanood ko, yung bidang girl (si Kasie) eh nagluluto ng chocolate para sa crush nya...

DING!

Parang nakita ko yung lightbulb na umilaw sa tuktok ng ulo ko. Chocolate. Para sa crush mo. Hmmm... ang alam ko kasi sa Japan, pwedeng magbigay ng chocolate yung girl sa guy na gusto nya. Pag tinanggap ng guy yung chocolate, ibig sabihin, may gusto din sya dun sa girl... pwede...

Kaya kahit di ako maruning gumawa ng chocolate, pinilit kong gumawa ng chocolate. Sa awa naman ng Dyos, lasang chocolate naman siya. Binaon ko siya sa school para ibigay kay Nathan yun. Tamang tama, Valentines day yun. Pwede! Ang problem ko na lang, paano ko ibibigay kay Nathan mylabs yun nang hindi nakikita ng mga classmates namin? Yun ang malaking challenge ko.

Ang balak ko, iwan ko na lang sa bag niya tapos bahala na siya sa buhay niya. Mala secret-admirer attack ba? Kaso...

Nang iiwan ko na yung chocolate sa upuan nya, may biglang taong pumasok sa room at umupo sa pwest nya. Kaya di ko na nailapag yung chocolate sa upuan niya.

Nang puntahan ko naman siya sa basketball practice nya, ang daming girls na nakapalibot sa kanya, kaya di ko na naibigay yung chocolate...

Ilalagay ko na lang sana sa locker niya, kaso nung isusuksok ko na yung chocolate, may dumating na tao at binuksan yung locker. Di pala niya locker yun...

Nung nakita ko naman siya sa org table nila mag-isa, lalapitan ko sana siya, kaso bigla namang dumating yung ibang kasama niya sa org.

Haayy.... nasayang lang yung oras ko kakaisip ng paraan para ibigay sa kanya yung chocolate. Give up na sana ako, nang nakita ko siyang papasok sa isang room. Sinundan ko siya. Sabi ko sa sarili ko, wag ko nang gawin yung secret admirer attack ko. Ibibigay ko na lang sa kanya ng personal. Kung di niya tanggapin, OK lang eh di ako na lang ang kakain!

Huminga muna ako ng malalim at hinawakan yung seradura ng pinto. Pero bago ko buksan yung pinto, sumilip muna ako sa loob ng kwarto. Hindi nag-iisa si Nathan. Kasama niya sa room si Lyle, yung isa pang crush ng bayan ng school. Naguusap silang dalawa, nang bigala silang magyakapan. Yes. Alam ko, di uso sa mga lalaki yung mga yakap yakap na yan, pero sila ay nagyakapan. Tapos, mega smile si Nathan kay Lyle habang inabot niya dito yung regalo niya sa kanya sabay sabi ng "Happy Valentines, Love!"

Nyak!
Feeling ko, nanlambot ako. Para akong ice cream na natunaw dahil sa nakita't narinig ko. Hindi lang yung "Happy Valentine's Day, Love!" ang narinig ko. Namutawi sa kanyang mapupulang labi ang ilang gay lingo na hindi ko alam ang ibig sabihin. Ganun din magsalita si Kyle. Akalain mo yun, yung lalaking pinagpapantasyahan ko mula grade one ako... yung ginawan ko ng chocolate... ay isa palang... BADING!

Haaayy... life's irony nga naman... kaya pala wala akong nabalitaang girlfriend niya... isa pala siyang babaeng natrap sa katawan ng lalaki.

Kaya anong ginawa ko sa chocolate na ginawa ko para kay Nathan? Nilantakan ko na lang sa sobrang inis. Makahanap na lang nga ng ibang crush...

Labels: one-shot, Roses